ЖИВОТОТ ИМАЛ ДРУГИ ПЛАНОВИ Роберт Дувал се женел четири пати, но еден сон не му се остварил
Легендарниот Роберт Дувал се женел четири пати, но никогаш не станал татко и покрај желбата да биде родител. Актерската легенда почина на 95-годишна возраст, оставајќи ја зад себе сопругата Лусијана Педраза (54), која е помлада од него повеќе од четири децении.
Смртта на Роберт Дувал ја потврди неговата вдовица Лусијана Дувал преку неговата официјална Фејсбук страница, откривајќи дека починал „мирно дома“ на 15 февруари, опкружен со љубов.
Дувал беше познат по своите улоги во бројни признати проекти во текот на неговата холивудска кариера, вклучувајќи ги „Кум“ и „Апокалипса сега“.
Но, пред речиси две децении, Дувал отворено зборуваше за тоа зошто никогаш не станал татко.
– Претпоставувам дека пукам „ќорци“ – рече тој во тоа време во свој стил.
– Пробав со многу различни жени, во брак и надвор од бракот. Размислував за посвојување, но јас и сопругата сè уште не сме го направиле тоа- изјави тој за списанието „Details“ во април 2007 година.
Во истото интервју, Дувал зборува и за средбата со таткото на неговата сопруга, признавајќи дека ситуацијата била малку непријатна поради четиридецениската разлика во годините.
– Кога го запознав нејзиниот татко, не знаев дали да го наречам „татко“ или „синко“! – се пошегува тој.
Дувал не зборувал често за тоа зошто нема деца бидејќи, вели тој, го инвестирал своето време во својот занает, своите бракови и едноставното живеење на животот. Зборувал за тоа како тоа не било судено да биде во минатото, но никогаш не размислувал за тоа како за жалење. Можеби предизвикало конфликт во некои од неговите бракови, но фактот дека нема деца никогаш не бил одлучувачки фактор за него. Тој живеел неверојатен живот, 95 години биле добро потрошени. Животот едноставно имал други планови.
Инаку, Дувал ја запознал својата четврта сопруга, Лусијана Педраза, во Аргентина во 1997 година. Тој се присетил на нивната прва средба во интервју за Esquire во 2010 година:
– Ја запознав мојата сопруга во Аргентина. Цвеќарницата беше затворена, па отидов во пекарницата. Да беше отворена цвеќарницата, никогаш немаше да ја запознаам.
Двојката дури соработувала и на филмот од 2002 година „Assassination Tango“, кој Дувал го продуцирал, режирал и глумел заедно со неа. Актерот бил познат како вешт танго танчер, па дури и имал свое танго студио во Аргентина и САД.
Сепак, Дувал почувствувал малку родителство, бидејќи неговата прва сопруга, Барбара Бенџамин, имала две ќерки од претходен брак. Тие се запознале за време на снимањето на „Да се убие птицата подбивница“ во 1962 година и биле во брак од 1964 до 1975 година. Неговата втора сопруга била Гејл Јангс (1982-1986), а третата, танчерката Шерон Брофи (1991-1995).