🎥 НА ЕВРОВИЗИЈА СО „ЈУГОСЛАВИЈА“! Евровизија Косово ја нападна пејачката Зејна на мрежата „Х“ поради песната со која се пријави на српскиот избор
Српската пејачка Зејна Муркиќ деновиве е во центарот на вниманието на регионалната јавност, откако ја пријави песната „Југославија“ за српскиот избор на фестивалот „Песна за Евровизија“.
Пејачката Зејна Муркиќ стана мета на напад од страна на Евровизија Косово на мрежата „X“ поради текстот на нејзината песна „Југославија“, со која ќе се натпреварува на српскиот избор на фестивалот „Песна за Евровизија“, на кој ќе се избере претставникот на Србија за учество на Евровизискиот натпревар во мај во Виена.
Песната на Зејна, како и други композиции, беа објавени на 2 февруари, а веднаш по нејзиното објавување, таа беше прогласена за еден од најголемите фаворити.
Само насловот беше доволен за да предизвика лавина коментари на социјалните мрежи.
Додека дел од публиката ја истакнува емотивната порака и силниот рефрен, други веруваат дека насловот на песната носи политичка конотација. Најгласните критики дојдоа од профилот „Евровизија Косово“ на платформата X, каде што се тврди дека песната „ја романтизира Југославија“ и ги крши правилата на Евровизија, кои строго забрануваат политички пораки.
🚫 #Serbia can’t separate politics from #Eurovision After a song about the “return of the army to #Kosovo ” in PZE, this year there’s a song glorifying #Yugoslavia . If Serbia selects it, the EBU won’t allow it — political messages are banned by the rules. pic.twitter.com/HpuDf1hhQn
— Eurovision Kosovo (@ESCKOSOVO) February 2, 2026
Некои коментатори отидоа чекор понатаму, сугерирајќи дека песната може да биде проблематична токму поради нејзиниот наслов. Дополнителна дискусија беше предизвикана и од стиховите што повикуваат на заедништво, како пораката „Don‘t destroy, unite“ („Не се уништувајте, обединете се“).
На Тик-Ток може да се прочитаат стотици коментари, од кои повеќето се критички: „Каква Југославија?“, „Ова ќе биде суспендирано затоа што не можете да споменувате земји што се распаднале…“, „Оваа не се откажува“ и „Каква Југославија, брате?!“, „Ова никогаш не би поминало! Ќе бидеме дисквалификувани за промовирање национализам!“, „Ова е за некој рурален фестивал, а не за Евровизија. Може и подобро“.
Дискусијата се сврте и кон сличноста на песната со евровизискиот хит „Tattoo“ од шведската пејачка Лорен. Еден обожавател пишува:
– Ја сакам Зејна и толку многу сакам да оди на Евровизија, но зошто ова? Зошто да ја снимиме Лорен – Tattoo, втор дел? Звучи премногу како плагијат. Итно треба да направиме преработка, додека други додаваат: „Еуфоријаааа Лорен“ и „Tattoo на балкански начин“.
@eurovisionflare 🇷🇸 Zejna “Jugoslavija” for Serbia Eurovision 2026? (Pesma za Evrovizija 2026) #eurovision2026 #serbia #pze26 #zejna #srbija
Самата Зејна засега се држи настрана од дебатата. Таа кратко рекла само дека не сака да влегува во политички толкувања и дека најважно за неа е песната да стигне до публиката и да ја пренесе емоцијата што ја имала на ум кога ја создавала, објавува Telegraf.rs.
Српскиот национален избор ќе се одржи кон крајот на февруари, полуфиналните вечери се закажани за 24-ти и 26-ти, додека големото финале е закажано за 28-ми февруари. Тогаш ќе се знае дали „Југославија“ ќе добие шанса да ја претставува Србија на Евровизија.