ПОРАНЕШНИОТ СОПРУГ НА ЏЕНИФЕР ЛОПЕЗ ЌЕ ДОБИЕ ОСМО ДЕТЕ Марк Ентони има близнаци со Џеј Ло и уште пет деца од други бракови и врски

Марк Ентони и Надија Фереира објавија дека го очекуваат своето второ дете, а нивниот син Маркито наскоро ќе стане постар брат.Марк Ентони и неговата сопруга, поранешната мис Парагвај Надија Фереира, ги воодушевија своите следбеници со објавата на заедничката фотографија на која се гледаат нивните раце и рацете на нивниот двегодишен син Марк како го допираат трудничкиот стомак на Надија.

– Среќна трета годишнина – напишаа тие покрај објавата, додавајќи ја пораката: „Каков огромен подарок ни даде животот. Бог е голем.“

Фереира го сумираше ова со зборовите: „Маркито ќе стане постар брат.“

Со доаѓањето на новото бебе, познатиот пејач ќе стане татко на осум деца. Покрај синот со Надија, Ентони има уште седум деца од претходните врски и бракови, вклучувајќи ги близнаците Еме и Макс од бракот со Џенифер Лопез.

Иако ретко го споделува својот приватен живот со јавноста, Ентони претходно нагласи колку е важно татковството за него во овој период од неговиот живот.

– Имам прекрасно семејство и уживам во оваа фаза од мојот живот – рече тој минатата година, шегувајќи се дека се обидува да остане во добри односи со сопругата.