ТРАМП ОБЈАВИ „ОСВОЈУВАЧКА“ ФОТОМОНТАЖА ЗА ГРЕНЛАНД Забодеа американско знаме

Американскиот претседател Доналд Трамп објави фотомонтажа на својот профил на Трут соушл (Truth Sociaл) на која се гледа како тој, потпретседателот на САД Џеј-Ди Венс и државниот секретар на САД Марко Рубио поставуваат американско знаме на земја во Гренланд,

Покрај тоа се гледа натпис, Гренланд, американска територија од 2026.

Премиерот на Гренланд Јенс-Фредерик Нилсен рече дека тоа е знак на „непочитување“ на Гренланд и на Данска.

Претходно денеска данската премиерка Мете Фредериксен изјави дека Данска не може да преговара за сопствениот суверенитет, идентитет и демократија.

„Ова е прашање на светски поредок. Најлошото можеби допрва доаѓа“, рече таа.