ТЕЈЛОР СВИФТ КАКО ДЕДО МРАЗ Пејачката донираше милион долари за организацијата „Да се нахрани Америка“
Тејлор Свифт која е позната по својата дарежливост, неколку дена пред Божиќ донирала милион долари за организацијата „Да се нахрани Америка“, која се пофалила со донацијата на Инстаграм.
Музичката ѕвезда Тејлор Свифт донирала милион долари за организацијата „Да се нахрани Америка“ само неколку дена пред Божиќ. Станува збор за непрофитна организација која ја надгледува националната мрежа на банки за храна, народни кујни и локални програми за исхрана.
Извршната директорка на организацијата Клер Бабино-Фонтенот изјавила дека организацијата е исклучително благодарна за оваа донација.
– Оваа празнична сезона, континуираната поддршка на Свифт е моќен потсетник за тоа што е можно кога се обединуваме за да ѝ ставиме крај на гладта. Кога ќе се здружиме со луѓето што се соочуваат со глад, можеме да обезбедиме семејствата да имаат полна трпеза за празниците и пошироко – напиша абино-Фонтенот на Инстаграм.
Овој гест на Свифт доаѓа во време кога многумина во САД се борат со недостиг на храна. Според неодамнешното истражување на Универзитетот Пердју, приближно 14 отсто од американските домаќинства пријавиле несигурност во снабдувањето со храна помеѓу јануари и октомври 2025 година.
Бабино-Фонтенот минатиот месец изјавила дека „Да ја нахраниме Америка“ бележи поголема побарувачка отколку што може да подмири.
– За жал, редовите се подолги од достапната храна – рекла таа.
Свифт која е веќе позната по својата дарежливост, донираше 100.000 долари на семејството на локален радио водител кој беше убиен во пукотница на победничката парада на Канзас Сити Чифс во февруари 2024 година. Таа, исто така, донираше милион долари за да им помогне на жртвите од разорните торнада во Тенеси во 2023 година.