🎥 НЕКОГАШНАТА ДЕТСКА ЅВЕЗДА, А СЕГА БЕЗДОМНИК, ДОБИ ХОТЕЛСКА СОБА Поранешните колеги на Тејлор Чејс се обидуваат да го извлечат од улицата

Поранешната детска ѕвезда на Никелодеон, Тајлор Чејс, за кого неодамна беше откриено дека е бездомник и дека живее на улиците во Лос Анџелес, се смести во хотелска соба благодарение на помошта на Даниел Кертис Ли, неговиот поранешен колега во „Ned’s Declassified School Survival Guide“, пишува Дејли Мејл.

Чејс (36) го играше Мартин Кверли во 33 епизоди од серијата од 2004 до 2007 година, додека Ли (34) ја играше улогата на Сајмон „Куки“ Нелсон-Кук во 54 епизоди.

Во клипот што го добил „Дејли меил“, некогашните детски ѕвезди биле видени како споделуваат емотивна прегратка, додека Ли му обезбедил на Чејс топло, чисто место за престој за време на божиќната недела.

 

View this post on Instagram

 

A post shared by Daniel Curtis Lee (@daniel_curtis_lee)

Ли во објава на Инстаграм детално ги опиша и напорите што ги вложил за повторно поврзување со неговиот поранешен колега и за обезбедување соба.

Ли рече дека го поврзал Чејс по телефон со неговиот татко за време на нивната средба, што го развеселило Чејс.

– Љубовта е сè што можеме, навистина можеме да им дадеме на луѓето малку и среќен сум што тој успеа да ја воспостави врската со неговиот татко – вели Ли, додавајќи дека Чејс изгледал супер приемчив за разговор за неговата иднина и дека во еден момент и се помолил.

Ли разговарал и со мајката на Чејс, која му рекла дека давањето пари може да биде опасно и дека тој сака да ги почитува нејзините желби.

Тој побара помош од некој кој е запознаен со процесот на воспоставување доверба, од што зависи и тоа некој да се согласи да замине на рехабилитација и дека тоа би можело да биде следниот чекор за да му се помогне на Чејс да го промени својот живот.

– Навистина верувам дека можеме да го вратиме Тејлор на нозе и го чувствувам тоа токму сега со празничната сезона – вели актерот.

Властите во Риверсајд, Калифорнија, соопштиле дека не е јасно колку долго Чејс живее на улица.

– Не знаеме колку долго доживува бездомништво – изјавил за Дејли Мејл службеникот за јавни информации на полициската станица во Риверсајд, Рајан Рејлсбек.

Според него, полицајците од Тимот го контактираат Чејс најмалку еднаш неделно и постојано нудат различни ресурси, вклучително и привремено засолниште. Властите изјавиле за Дејли Мејл дека не биле во контакт со роднините на Чејс.

Рејлсбек претходно изјавил за TMZ дека Чејс постојано одбивал засолниште, третман за зависност од дрога или алкохол или услуги за ментално здравје што ги нуди одделот за помош.

Како што се ширеше веста за состојбата на Чејс, уште една некогашна детска ѕвезда која се бореше со бездомништвото – Шон Вајс од филмовите „The Mighty Ducks“ – понуди помош.

Вајс му оддал признание на својот пријател, бизнисменот Џејк Харис, за преземањето мерки да му помогне на Чејс.