РУСИЈА И КИНА ГО МЕНУВААТ ГЛОБАЛНИОТ ПАЗАР Москва и Пекинг подготвуваат инвестиции тешки 200 милијарди долари
Москва и Пекинг најавуваат над 80 заеднички проекти и огромни инвестициски олеснувања, со што Кина станува доминантен економски партнер на Русија.
Русија и Кина се подготвуваат да започнат над 80 заеднички инвестициски проекти во вредност од околу 200 милијарди долари, според Борис Титов, специјален претставник на рускиот претседател за односи со меѓународни организации за постигнување на Целите за одржлив развој и копретседател на Руско-кинескиот комитет за пријателство, мир и развој.
Титов истакна дека руската влада воведува даночни олеснувања за кинеските партнери да преминат од моделот на „директно увозно снабдување“ кон локализирање на производството на територијата на Руската Федерација. Титов ја наведе автомобилската индустрија како успешен пример за таква соработка, наведувајќи ги проектите Хавал и Москвич, како и плановите за автомобилот Волга.
Според него, до 2025 година, кинеските бизнисмени официјално ќе регистрираат 13.000 компании во Русија, што „значително го надминува бројот на западни“ компании што работат на рускиот пазар.
Шестиот руско-кинески претприемачки форум се одржува во Сиан (провинција Шанкси) од 24 до 25 ноември. Настанот има за цел практично проширување на економските врски меѓу малите и средните претпријатија од двете земји.