📽️ ХАОС ВО ФАВЕЛИТЕ, 64 ТЕЛА ПО УЛИЦИТЕ НА РИО Над 2.500 во најсмртоносната полициска акција против нарко-бандите
Бразилската полиција спроведе најголема операција во историјата на државата Рио, повеќе од 2.500 припадници на безбедносните сили учествуваа во акцијата против нарко-картелот „Командо Вермељо“.
Најмалку 64 лица загинаа во најсмртоносната полициска акција во историјата на Рио де Жанеиро, потврдија властите во Бразил. Операцијата, која се одвивала во фавелите Алемао и Пенја, била насочена кон големата криминална банда „Командо Вермељо“, само неколку дена пред градот да биде домаќин на глобални настани поврзани со климатскиот самит на Обединетите нации – COP30.
Полицијата во Рио честопати изведува масовни акции против организираниот криминал во пресрет на меѓународни настани. Градот претходно беше домаќин на Светското првенство 2014, Олимписките игри 2016, самитот на Г20 во 2024, како и на самитот на БРИКС годинава.
Rio de Janeiro is under a state of terror. The Comando Vermelho (CV) gang has enforced a citywide lockdown in retaliation for police operations targeting crime in the state. pic.twitter.com/7Mc3D84dID
— Cartel Watch (@CartelWatchNet) October 28, 2025
Според властите, во акцијата учествувале 2.500 припадници на безбедносните сили, со 32 оклопни возила и хеликоптери, а целта била уништување на базите на бандата и апсење на нејзините водачи.
– Стоиме цврсто во борбата против нарко-тероризмот – изјави градоначалникот на Рио, Клаудио Кастро, додавајќи дека операцијата била насочена кон „потполно уништување на криминалните структури што го држат градот во страв“.
Бразилската влада соопшти дека ова е најголемата акција досега против „Командо Вермељо“. Приведени се најмалку 56 лица, а издадени биле околу 250 налози за апсење и претрес.
🇧🇷🇧🇷 — Graphic content warning: The clash between police officers and the criminal group Comando Vermelho (CV) is now the deadliest in the history of the Brazilian state of Rio de Janeiro, with more than 60 deaths during the massive operation. pic.twitter.com/hc82SAU1Dw
— Abhimanyu Manjhi (@AbhimanyuManjh5) October 28, 2025
Поради жестоките судири, околу 50 здравствени и образовни установи привремено ја прекинале работата, додека автобуски линии биле пренасочени за да се избегнат зоните на конфликт.
Следната недела Рио ќе биде домаќин на два големи настани – глобалниот самит на градоначалници за климатски промени C40 и награда на принцот Вилијам, на која ќе присуствуваат Кајли Миног и Себастијан Фетел. Овие случувања се дел од подготовките за климатскиот самит на ОН во Белем, кој ќе се одржи од 10 до 21 ноември.
Escenas de guerra hoy en Río de Janeiro (Brasil) por combates urbanos entre policías y militares contra narcotraficantes de Comando Vermelho en las favelas de Alemão y Penha.
El grupo criminal ha utilizado drones con explosivos en varias favelas, y el balance es de 56 supuestos… pic.twitter.com/uqTay97rM6— Niporwifi © (@niporwifi) October 28, 2025