МЕРЦЕДЕС НУДИ ДО 500.000 ЕВРА ЗА ДОБРОВОЛЕН ОТКАЗ Компанијата побара да заминат 40.000 работници
Раководството на компанијата планира да ги намали трошоците за 5 милијарди евра до 2027 година, од кои околу една милијарда треба да се заштедат со намалување на трошоците за работна сила.
Германскиот производител на автомобили „Мерцедес-Бенц“ спроведува една од најголемите програми за доброволно отпуштање работници што е дел од планот за штедење.
Според информациите од „Ханделсблат“, околу 4.000 работници веќе ја напуштиле компанијата што е повеќе од она што го очекувал менаџментот.
Раководството на компанијата планира да ги намали трошоците за 5 милијарди евра до 2027 година, од кои околу една милијарда треба да се заштедат со намалување на трошоците за работна сила.
Мерките се насочени кон таканаречените индиректни вработени – односно сите кои не работат директно во производството, како што се административниот персонал, инженерите или ИТ специјалистите. Поради договорот за отпуштање во Германија до крајот на 2034 година, „Мерцедес“ е принуден да понуди дарежливи пакети за отпремнина за да ги поттикне доброволните заминувања.
Дури 40.000 вработени ја добиле понудата. Особено привлечна беше таканаречената „турбо премија“ за оние кои брзо ја донесоа одлуката – долгорочните работници можеа да добијат шестцифрени суми. На пример, 55-годишен менаџер на тим со плата од 9.000 евра можеше да смета на пакет за отпремнина од околу половина милион евра, пишува Ханделсблат.
Мерцедес тврди дека програмата не е „кратење работни места“, туку дел од трансформацијата. Во исто време, компанијата инвестира во преквалификација на вработените со цел да ги пренасочи кон „работните места на иднината“.
Заштедите не се спроведуваат само преку отпремнина. Мерцедес планира да го прошири производството во унгарскиот Кечкемет, каде што трошоците, според податоците на компанијата, се дури 70% пониски отколку во Германија. Во исто време, во фабриката во Синделфинген, луксузните модели од класата S и EQS работат само во една смена – минатата година беа произведени 205.000 возила, додека во 2018 година имаше повеќе од 330.000.
Мерцедес не е исклучок. Германската автомобилска индустрија изгуби повеќе од 55.000 работни места во последните две години. Бош планира да елиминира 22.000 позиции, ЗФ 14.000, додека Фолксваген сака да го намали бројот на вработени во Германија за 35.000 до 2030 година.