„ПАТРИОТИЗМОТ НА ДУИ Е СКИНАТА ЗАВЕСА“ Наместо инвестиции, Албанците добија мафијашки пазарења, обвини Вреди
На 19 октомври, Албанците ќе ја затворат ерата на лажниот патриотизам еднаш засекогаш, се вели во соопштението на Вреди.
ДУИ го претвори патриотизмот во покритие за корупцијата и своите кланови. Кога Албанците од Липково пиеја вода полна со арсен, тендерите се броеја во џебовите на оние кои беа блиски со власта. Кога граѓаните очекуваа инвестиции и развој, нивната моќ се трансформираше во пазарење и злоупотреба, реагираше Вреди преку соопштение.
„Денес, нивната реторика се користи како декор за да се прикрие срамот. Но, светот веќе ги знае. Артан Груби е срамот на црната листа на САД, фатен за поткуп и корупција. Неговата десна рака, Енвер Беџети, послужи за ослободување на Мијалков и заштита на кланот. Додека Перпарим Бајрами, на чело на Државната лотарија, е синоним за валкано пазарење, делејќи тендери како плен меѓу своите политички роднини. Ова не се клевети, туку факти документирани од нашите меѓународни партнери. Патриотизмот на ДУИ е скината завеса што повеќе не може да ги покрие нивните крадци и предавства. Кога беа на власт, не им сметаа ниту Груевски ниту Мијалков. Денес, очајни, тие склучуваат договори со анти-ЕУ и анти-НАТО партии, само за да ја спасат својата политичка кожа. Ова е лажниот патриотизам што Албанците го гледаат веќе 20 години. На 19 октомври, Албанците ќе ја затворат ерата на лажниот патриотизам еднаш засекогаш“, се вели во соопштението на Вреди.