📽️ (ВОЗНЕМИРУВАЧКО) МРТВИ ТЕЛА ПО ТРОТОАРИТЕ ВО ГРАДОТ НА ЗЕЛЕНСКИ Руски проектил го уништи Криви Рих, 14 загинати, меѓу нив и пет деца
На Телеграм беа објавени видеа од местото на инцидентот на кои можеше да се забележи како црн чад се издигнува во воздухот, како и телата на убиените и ранетите кои лежат на тротоарите.
Руски проектил денеска погоди станбен кварт во градот Криви Рих, при што загинаа 14 лица, меѓу кои пет деца, изјави шефот на регионалната воена управа на Днепропетровск, Сергеј Лисак.
„Според последните информации, во рускиот ракетен напад врз Криви Рих загинаа 14 лица“, напиша Лисак на Телеграм.
Лисак додаде дека бројот на жртвите постојано се зголемува.
🕯️🙏 12 dead already in Kryvyi Rih, more than 50 injured. pic.twitter.com/kdnWKyeKid
— The Ukrainian Review (@UkrReview) April 4, 2025
Според шефот на Советот за одбрана на Криви Рих, Александар Вилкул, меѓу загинатите има пет деца.
– Во близина на местото на ударот има детско игралиште – рече Вилкул.
Најмалку 50 луѓе се повредени, изјави локален претставник на Телеграм.
На Телеграм беа објавени видеа од местото на инцидентот на кои можеше да се забележи како црн чад се издигнува во воздухот, како и телата на убиените и ранетите кои лежат на тротоарите.
At least 12 people were killed and over 50 injured after a Russian ballistic missile strike hit a residential area in Kryvyi Rih — President Zelensky’s hometown — on Friday evening.
Rescue teams are rushing to the scene. pic.twitter.com/3SXQW0EuOX
— KyivPost (@KyivPost) April 4, 2025
– Руската армија изврши балистички ракетен напад врз станбената област Криви Рих. Овде нема воен објект, туку само цивилна инфраструктура – изјави на Телеграм, Дмитро Лубинец, украинскиот Народен правобранител.
Русија негира дека гаѓа цивилни цели, но во инвазијата што ја почна на 24 февруари 2022 година досега се убиени и поврдени илјадници цивили.
Руска ракета пред два дена погоди компанија во истиот град, при што загинаа четворица цивили.
Зеленски: „Русија не сака прекин на огнот, тоа го гледа целиот свет“
Украинскиот претседател Володимир Зеленски изјави дека најмалку 14 лица загинале, меѓу кои шест деца, во руски ракетен напад врз неговиот роден град Кривји Рих.
Тој рече дека спасувачките операции се во тек во центарот на градот, а регионалниот гувернер Серхи Лисак додаде дека најмалку 50 лица се повредени.
Зеленски рече дека нападот покажал дека Москва не е заинтересирана за мир.
– Русите напаѓаат секој ден. Луѓето умираат секој ден. Има само една причина зошто ова продолжува: Русија не сака прекин на огнот, а ние тоа го гледаме. Целиот свет го гледа тоа – рече тој.
Зеленски додаде дека секоја ракета, секој напад со беспилотно летало докажува дека Русија сака само војна.
– И само од притисокот на светот врз Русија, од сите напори за зајакнување на Украина, нашите сили за воздушна одбрана, нашите сили – само тоа зависи од тоа кога ќе заврши војната – заклучи Зеленски.