ДОНАЦИЈА ЗА ГРАЃАНИТЕ НА КОЧАНИ Ново возило за Брза помош подарено од „Шпаркасе Лизинг“, „Аутомотив груп“ и „Соникс“
Донацијата на ова возило е еден од начините на кои компанијата ја демонстрира својата посветеност на заедницата и приоритетот на помагање на оние кои најмногу им е потребно.
По трагичниот настан што ја потресе општина Кочани и целата наша држава, „Шпаркасе лизинг“, „Аутомотив груп“ и „Соникс“, покажувајќи големо чувство на солидарност и одговорност, донираa ново возило за брза помош на ЈЗУ Општа болница Кочани.
Ова возило е од клучна важност за општината бидејќи ќе биде веднаш на располагање за сите граѓани во регионот и ќе ги подобри брзината и ефикасноста на медицинските услуги. Донацијата претставува важен чекор во обезбедувањето на потребната помош во вакви тешки моменти, особено со оглед на сериозноста на ситуацијата.
Компаниите изразија длабоко сочувство до семејствата на настраданите и искрено жалење за ненадоместливите загуби и упатија искрени желби за брзо закрепнување на повредените кои се лекуваат во земјава и во странство.
– Како општествено одговорни компании, „Шпаркасе групацијата“, во овој случај претставувана преку „Шпаркасе лизинг“, заедно со нашите партнери „Аутомотив груп“ и „Соникс“ изразува искрено сочувство за трагедијата што му се случи на Кочани. Ова возило е само мала помош и најмалку што може да направиме за граѓаните на општина Кочани и регионот. Се надеваме дека ќе биде помош и поддршка на тимовите за брза помош во спасувањето животи. Воедно, ги повикуваме сите компании во рамки на своите можности да се придружат на иницијативата за донација со цел да го зајакнеме нашиот општествен и институционален капацитет – изјави директорот на „Шпаркасе лизинг“, господин Марјан Манчев.
Донацијата на ова возило е еден од начините на кои компанијата ја демонстрира својата посветеност на заедницата и приоритетот на помагање на оние кои најмногу им е потребно.