ПРИВЕДЕНИ ТРОЈЦА ЧЕСИ ВО ПРИЛЕП Полицијата кај нив пронајде кутија со 20 стари монети
Од Министерството за внатрешни работи информираа дека лицата биле забележани преку видео надзорниот систем на теренот на ПС за ГН Старавина, на местото викано „Брест“. Тие се движеле со возило дачија дастер со странски регистерски таблички, по што биле лоцирани и сопрени во близина на селото Подмол.
Тројца чешки државјани се приведени во Прилеп поради сомнение за незаконско поседување антиквитети. При претрес во нивниот привремен дом, полицијата пронашла метална кутија со 20 стари монети.
Од Министерството за внатрешни работи информираа дека лицата биле забележани преку видео надзорниот систем на теренот на ПС за ГН Старавина, на местото викано „Брест“. Тие се движеле со возило дачија дастер со странски регистерски таблички, по што биле лоцирани и сопрени во близина на селото Подмол.
„Во 19 часот, полициски службеници го пронајдоа возилото и при извршената контрола беше утврдено дека во него се наоѓаа J.M. (26), Ф.К. (53) и M.H. (47), сите од Чешка, привремено сместени во закупен стан во Прилеп. Тие веднаш беа лишени од слобода и спроведени во ОВР Прилеп. По наредба на надлежен јавен обвинител, извршен е претрес во домот каде што престојуваа, при што е пронајдена метална кутија со 20 стари монети“, велат од МВР.
Се преземаат мерки за целосно расчистување на случајот.