ИЗВОЗОТ ВО ПРВИТЕ ДВА МЕСЕЦА ИЗНЕСУВА 1,27 МИЛИЈАРДИ ДОЛАРИ Колку од него е реализиран во САД?
Во периодот јануари – февруари 2025 година, според вкупниот обем на надворешнотрговската размена, Македонија најмногу тргувала со Германија каде што има намалување на вкупната трговска размена од 12,7%, Велика Британија со која е забележен раст во вкупната размена од 14,5% , Грција со која трговската размена се намалила за 4,8%, Србија со пораст на трговската размена од 11,6% и Бугарија со која вкупната размена се зголемила за 13,4%.
Вкупната трговска размена на земјава со светот во првите два месеца од годинава изнесува 3,180 милијарди американски долари. Од тоа извозот изнесува 1,276 милијарди американски долари и бележи пад од 2,6 % во однос на истиот период од претходната година, соопшти Државниот завод за статистика.
Вредноста на увeзената стока, во истиот период, изнесува 1,904 милијарда долари, што е за 0,6 % повеќе
во споредба со истиот период од претходната година.
Трговскиот дефицит, во периодот јануари – февруари 2025 година, изнесува 627.4 милиони долари.
Трговската размена по производи покажува дека во извозот најголемо е учеството на катализаторите на носачи со благородни метали или нивни соединенија, сетовите на проводници за палење и слично, за возила, авиони или бродови, деловите на седишта од подгрупата 821.1 и други катализатори на носачи. Во увозот најмногу се застапени нафтените масла и маслата добиени од битуменозни минерали (освен сурови), другите метали од платинската група и нивни легури, необработени или во облик на прав, платината и легурите на платина, необработени или во прав и електричната енергија.
Во периодот јануари – февруари 2025 година, според вкупниот обем на надворешнотрговската размена, Македонија најмногу тргувала со Германија каде што има намалување на вкупната трговска размена од 12,7%, Велика Британија со која е забележен раст во вкупната размена од 14,5% , Грција со која трговската размена се намалила за 4,8%, Србија со пораст на трговската размена од 11,6% и Бугарија со која вкупната размена се зголемила за 13,4%.
Во овој период вкупната трговска размена со САД изнесува 65,9 милиони долари или е забележано зголемување од 56,4% во однос на првите два месеци од претходната година. Од нив на извозот отпаѓаат 38, 8 милиони долари што е раст 282,8% во однос на ланската година, а на увозот 27, 2 милиони долари што во однос на истиот период од ланската година е намалување за 15,3%.
Американската администрација воведе царини од 33% на сите стоки кои доаѓаат од Македонија.