ДЕПИНОВА СО 794.000 ДЕНАРИ ПЛАТА ЗБОРУВА ЗА МИНИМАЛЕЦ? Манасиевски ја прозва првата жена на синдикатот СПТО
Ова е лицемерието на Слободан Трендафилов и луѓето околу него, обвини Валентин Манасиевски од ВМРО-ДПМНЕ зборувајќи за примањата на првата жена на Синдикатот на поштенски и телекомуникациски работници(СПТО).
Валентин Манасиевски од ВМРО-ДПМНЕ ја обвини првата жена на Синдикатот на поштенски и телекомуникациски работници(СПТО) дека ги лаже работниците со минималец, додека, како што тврди Манасиевски, таа годишно прима 794.000 денари плата.
„Со 794.000 денари годишни примања Васе Депинова, претседателката на Синдикатот на поштенски и телекомуникациски работници(СПТО) зборува за минимална плата.
Ова е лицемерието на Слободан Трендафилов и луѓето околу него.
Свиркачи кои ни ги доставија информациите за првите луѓе во ССМ се изреволтирани за односот на Трендафилов и луѓето околу него со Синдикатот како со своја фирма.
Додека Трендафилов и луѓето околу него ги лажат работниците за минималец, тие имаат примања и неколкукратно поголеми од минималмата плата.
Слободан Трендафилов и тие околу него се разоткриени. Народот ги прочита и никој не им верува.
Слободан Трендафилов со примања кои надминуваат 1.6 милиони денари годишно не може да биде синдикалец, тој само го злоупотребува синдикатот, а за таа цел користи неколку луѓе околу него кои исто така ги врзал со големи примања.
Трендафилов е прочитан. Народот гледа дека зад ССМ, всушност се крие СДСМ“, обвини Манасиев од ВМРО-ДПМНЕ.