📽 ДАНСКИ ПРАТЕНИК ГО ОПЦУ ТРАМП ПОРАДИ ИЗЈАВИТЕ ЗА ГРЕНЛАНД Се разгорува дебатата за најголемиот остров на светот
Гренланд е составен дел од нашата земја. Не е на продажба. Ова ќе го кажам со зборови што можете да ги разберете. Господине Трамп, одебете, рече данскиот десничар Андерс Вистисен во Европскиот парламент по што беше опоменет од потпретседателот на парламентот.
Новиот американски претседател Доналд Трамп беше прозван од пратеник од Данска во Европскиот парламент во врска со претходните најави дека САД ќе го припојат најголемиот остров на светот Гренланд. Андерс Вистисен, член на десничарската Народна партија му порача на Трамп дека островот не е на продажба:
– Почитуван претседателе Трамп, слушајте многу внимателно: Гренланд е дел од Кралството Данска веќе 800 години. Тој е интегриран дел од нашата земја. Не е на продажба. Ова ќе го кажам со зборови што можете да ги разберете. Господине Трамп, одебете – рече Вистисен.
За оваа изјава тој доби официјална опомена од потпретседателот на Европскиот парламент, Николае Стефанут.
– Терминот што го употребивте не е дозволен во овој дом и ќе има последици. Не е во ред во овој дом на демократијата. Без разлика што мислиме за господин Трамп, не може да се користи таков јазик – објасни Стефанут.
Премиерката на Данска Мете Фредериксен повеќепати му порача на Трамп дека Гренланд не е на продажба и дека „Гренланд е на Гренланѓаните“.
Greenland is not for sale. Greenland has been part of Denmark for 800 years, more then double of the time the US has existed.
Any true patriot should understand that this is an uacceptable attack on national sovereignty! pic.twitter.com/SlHbR5OGjg
— Anders Vistisen (@AndersVistisen) January 21, 2025
Неодамна синот на Трамп, Доналд Трамп Јуниор го посети островот и се сретна со дел од мештаните кои ги носеа познатите МАГА капи во поддршка на Трамп.
Се смета дека Гренланд е од стратешко значење за САД кои веќе ја модернизираат својата база Питуфик на островот. Островот е место од каде што лесно може да се надгледуваат руските и кинеските бродови. Гренланд е и најкратката копнена рута од САД до Европа.
Најавите на Трамп дека не исклучува воена сила за припојување на Гренланд ги вклучија и алармите во Москва. Кремљ будно ги следи изјавите на Трамп за Арктикот.