ВО САРАЈ НАПАДНАТИ ДВАЈЦА УЧЕНИЦИ НА ЕКСКУРЗИЈА Напаѓачите користеле метални предмети, родителите пријавиле во полиција
Кога реагирале учителките на децата, напаѓачите им се заканиле и заминале, соопшти полицијата.
Ученици од основно училиште од Ѓорче Петров вчера биле физички нападнати од повеќе лица додека биле на екскурзија во Сарај. Напаѓачите против децата упоотребиле и метални предмети.
Кога реагирале учителките на децата, напаѓачите им се заканиле и заминале. Нападот во полиција го пријавиле родители на децата.
„На 27.9.2024 во 15.30 часот во Полициската станица Ѓорче Петров, И.К. и Ј.Г., двајцата од Скопје, пријавиле дека нивните малолетни деца, додека биле на екскурзија во Спортско-рекреативниот центар Сарај, организирана од основно училиште од Скопје, биле физички нападнати од неколку лица, кои употребиле и метални предмети. Според пријавеното, кога учителките на децата реагирале, напаѓачите им се заканиле и заминале. СВР Скопје презема мерки за расчистување на случајот“, соопшти денеска полицијата.