📽️ „МУ КАЖАВ НЕКОЛКУ ЛИЧНИ РАБОТИ НА НОВАК“ Федерер откри како го расплака Ѓоковиќ пред камерите, но и тој не можеше да ги запре солзите
Федерер успеа буквално сите да ги расплаче, стана антологиска фотографија на која се држи за рака со Надал, па дури и неговата сопруга Мирка побара да прекине сѐ кога виде дека нејзиниот сопруг се мачи да здивне од солзи.
Објавен е документарниот филм за Роџер Федерер наречен „12 Final Days“ (Последните 12 дена), а славниот Швајцарец не ги криеше емоциите. Во еден момент се расплака и откри досега непознати детали.
Беше исклучително емотивно за време на Лејвер купот во 2022 година кога Федерер реши да се збогува во друштво на своите пријатели и најголеми противници на теренот. Новак Ѓоковиќ, Рафаел Надал и Енди Мареј го испратија во пензија.
Федерер успеа буквално сите да ги расплаче, стана антологиска фотографија на која се држи за рака со Надал, па дури и неговата сопруга Мирка побара да прекине сѐ кога виде дека нејзиниот сопруг се мачи да здивне од солзи.
Тоа беше можеби најемотивната сцена во историјата на тенисот, а секако и сцената која го означи крајот на една голема кариера.
Во еден момент почна да плаче и Ѓоковиќ.
„На Новак, му кажав некои работи кои беа многу лични и, знаете, тоа предизвика нешто и кај него“, рече Федерер за прегратката, по што Новак почна да плаче.
Повторно емотивниот Федерер се расплака кога зборуваше за целото испраќање, што покажа колку навистина му значи.
– Сето тоа дефинитивно ги погоди. Станав емотивен на самиот крај. Иако мислев дека ќе ја задржам ладнокрвноста за време на интервјуто и сè. Иако бев супер опуштен за време на натпреварот. И тогаш не знам што се случи на крајот, мислите дека е крај и знаете што се случи потоа – изјави Федерер за моментот кога сите почнаа да плачат.
View this post on Instagram