📽 „ЈА КОНТРОЛИРАМЕ РАФА“ Израел објави фотографии, меѓународната заедница е загрижена

Израелската војска соопшти дека ја презела оперативната контрола на палестинската страна на преминот Рафа кој се наоѓа на границата со Египет, јавува Би-Би-Си. Израелските одбранбени сили ги објавија првите фотографии од тенковите кои влегле во Рафа.

Сведоци во Рафах за Би-Би-Си велат дека сигнални ракети го осветлиле небото во текот на ноќта. Имало постојан звук на бомби. Од друга страна, израелската армија вели дека убила дваесетина, како што ги нарекува „терористи“ на Хамас, и вели дека нашла три тунели во таа област околу преминот.

„Во моментов тоа е сè уште многу ограничена и прецизна операција, дека не е целосна копнена офанзива на Рафа на која предупредуваа светските сили поради ужасните хуманитарни последици во градот кој е толку преполн со Палестинци кои избегаа од борбите на друго место во Газа“, се вели во статијата на Би-Би-Си.

More of IDF in Rafah Border Crossing.@AbuAliEnglishB1 points out that a lot of Gazans have already paid their $5000 to the Egyptians to leave. What will they do now? The money is gone but the crossing is closed ☹️. https://t.co/jsVaCkMDpp pic.twitter.com/IX6sEosKi0

— Imshin (@imshin) May 7, 2024

Во меѓувреме преговорите за прекин на огнот траат. Расте притисокот за постигнување договор. Вчера извори од Израел рекоа дека Хамас прифатил „помека“ верзија на договорот за прекин на огнот предложен од Египет, што е „неприфатливо“ за израелските носители на одлуки.

„Сето ова што се случува го зголемува дипломатскиот притисок. Катарците беа посредници во потенцијалниот договор за заложници, испраќајќи го својот тим назад во Каиро за да можат повторно да разговараат за прекин на огнот“, пишува Јоланда Кнел, дописничката на Би-Би-Си од Ерусалим.

Таа додава:

„Многу е збунувачки затоа што имавме израелски официјален претставник минатата ноќ, цитиран анонимно, кој рече дека ова е египетски предлог што Хамас го прифати, предлог кој не ги исполнува израелските барања. Но, тогаш излегоа и други официјални претставници и рекоа, ова е всушност многу блиску до израелскиот предлог што беше изнесен на крајот на минатиот месец, предлог кој американскиот државен секретар Антони Блинкен тогаш го опиша како извонредно дарежлив“.

Додека Израел тврди дека го контролира преминот Рафа, агенцијата на Обединетите Нации за палестински бегалци, УНРВА, предупреди на влијанието што ќе го има намаленото снабдување со помош врз тамошните граѓани.

– Најголемиот проблем што го имаме во последните 24 до 48 часа е граничниот премин и немањето доволно залихи за помош – изјави Луиз Вотериџ, портпаролка на агенцијата УНРВА за Би-Би-Си.

– Ситуацијата е „исклучително загрижувачка – додава таа.