📷 КОЈ БИ РЕКОЛ! Ова е новата Мис Универзум на Буенос Аирес и има 60 години
Сакам да им покажам на сите жени дека убавината не е поврзана со годините и дека можеме да ги скршиме бариерите - вели 60-годишната Алехандра Мариса Родригез, новата Мис на Буенос Аирес.
Алехандра Мариса Родригез има 60 години и е новата Мис Универзум на Буенос Аирес. Алехандра, по професија новинарка и адвокатка, ја освои титулата за најубава жена во Буенос Аирес, со што се квалификуваше за натпреварот Мис Универзум Аргентина.
Алехандра доби шанса да се натпреварува на изборот за Мис Универзум откако старосната граница, која беше во сила од 1958 година, беше укината на крајот на 2023 година, што значи дека натпреварот повеќе не е ограничен на учесници на возраст меѓу 18 и 28 години. на натпреварот за убавина се бара само тие да бидат полнолетни. Убавата Алехандра видела можност, се пријавила и без разлика на своите години, победила во конкуренција на многу помлади девојки.
View this post on Instagram
– Многу сум возбудена и почестена што ја освоив титулата. Сакам да им покажам на сите жени дека убавината не е поврзана со годините и дека можеме да ги скршиме бариерите – изјави најубавата жена на Буенос Аирес.
Алехандра откри дека убавината ја одржува преку вежбање и здрава исхрана и нега на лицето. Инаку, таа е разведена и живее сама, а се пошегува дека и овој факт можеби придонел за нејзиниот успех на натпреварот.
View this post on Instagram
– Мислам дека судиите ја видоа мојата самодоверба и страст да ги претставувам жените од мојата генерација. Убавината нема рок на траење. За да бидеш убава, само треба да веруваш во себе и да бидеш автентична – објасни таа.
Натпреварот за Мис Аргентина се одржува на 25 мај, а многумина се надеваат дека таа ќе ја освои титулата за најубава Аргентинка.