📷 ПО ШЕСТ МЕСЕЦИ ХЕРИ КЕЈН СЕ ОДЈАВИ ОД ХОТЕЛОТ Англичанецот плаќаше 11.000 евра од ден, но сега си најде дом во Минхен

Англискиот репрезентативец Хари Кејн направи најголем трансфер во својата кариера откако реши да го напушти саканиот Тотенхем и да се пресели во Баерн Минхен, а шест месеци, тој конечно успеа да си пронајде нов дом.

Извонредниот голгетер пронајде куќа во Минхен и сега ќе може да се среди со целото свое семејство, кое изминатиов период уживаше во сите погодности кои ги носи еден од најлуксузните хотели во Баварија.

Кејн издвојуваше околу 11 илјади евра за ноќ за престој на неговото семејство, а после речиси шест месеци минати во елитното сместување, го напушти хотелот со сметка која надминува еден милион евра.

Оваа вест со голема насмевка ја соопшти и самиот Кејн, кој не пропушти да им се заблагодари на сите вработени, но го спомена и Томас Милер кој беше загрижен за топките кои ги носи Хари во хотелската соба поради постигнатите голови.

„Огромна благодарност до вработените во хотелот кои направија да се чувствувам како дома откако пристигнав во Минхен. Тие одработија голема работа за да се адаптирам така добро. Томас Милер беше загрижен дека мојата соба станува се помала, па сега време е да се одјавам и да влезам во дом со моето семејство“, порача Кејн.

A massive thank you to the hotel staff who have made me feel at home since moving to Munich. It’s been a huge part of being able to settle in so well. @esmuellert_ was worried my room was getting too small so time to check out and into a place of my own with my family. 🙌😂 pic.twitter.com/Sih7qMMQID

— Harry Kane (@HKane) December 23, 2023