100.000 НОВИ ВОЈНИЦИ СЕ НА ПАТ Русите напредуваат во Купјанск и Лиман, а губат во Бахмут

Русија се подготвува за нови напади за да ја одбие украинската контраофанзива на исток и на југ. Повеќе од 100.000 војници се упатени во правец на Купјанск и Лиман на фронтот во регионите Харков и Луганск, изјави Илја Џевлаш, портпарол на Источната група на вооружените сили на Украина.

Тој изјави дека руските сили во областа значително го зголемиле обемот на гранатирање и воздушни напади врз украинските позиции.

Според неговата изјава 45.000 војници биле ангажирани за напади кон Купјанск, а 48.000 за напади во правец на Лиман. И двата града беа окупирани од руските сили пред да бидат ослободени минатата година. Во последните месеци Русија го зголеми притисокот на овој дел од фронтот.

Британското разузнавање објави дека украинските контраофанзиви на југ и околу Бахмут ги ставаат руските сили таму под притисок, но дека Русите сè уште напредуваат околу Купјанск и Лиман.

The United Kingdom Ministry of Defense stated on August 26 that Russian forces may launch an operational level offensive in the #Kupyansk and Lyman directions in the next two months, though ISW assesses such an offensive operation remains unlikely.🧵https://t.co/DwI8bEVWc5 https://t.co/a9V723nI6C pic.twitter.com/8FLyHwGgrz

— ISW (@TheStudyofWar) August 27, 2023

Во меѓувреме руски воен авион Су-30 пресретна во неделата извидувачки дрон на американскиот „рипер“ над Црното Море, јави новинската агенција РИА, повикувајќи се на руското Министерство за одбрана. Според руските власти рускиот авион бил подигнат за да се спречи американскиот авион да ја премине границата на Црното Море.

„Кога се приближи рускиот борбен авион, извидувачкиот дрон се сврте и се оддалечи од границата на Руската Федерација“, тврдат од руското Министерство за одбрана.

Новинската агенција ТАСС јавува дека дронот не ја нарушил руската државна граница.

Неодамна воени аналитичари од Запад предупредија дека Црното Море може да стане нова точка на можен конфликт меѓу НАТО и Русија.