📽 📷 МЕТЕОРСКИОТ ДОЖД ПЕРСЕИДИ ВРЕДЕШЕ ДА СЕ ВИДИ Ако го пропуштивте спектаклот синоќа, еве како изгледаше
Британски Би-би-си на својот Инстаграм профил сподели фотографии од метеорскиот дожд Персеиди, а таму можеа да се видат и две фотографии направени од Ѓорѓи Личовски од Куманово и од Кратово.
Вљубениците во природните појави на небото синоќа го следеа метеорскиот дожд Персеиди од различни локации во светот, а оваа фасцинантна појава се следеше и во Македонија, пишува Би-би-си.
Феноменот носи до 100 метеори на час, кои стануваат видливи кога Земјата поминува низ облаци од честички прав оставен од кометата Свифт-Татл.
Фрагменти од карпа исфрлена од јадрото на кометата паѓаат во атмосферата на Земјата и согоруваат во неа светкајќи како ѕвезди.
Овој метеорски дожд е активен од 17 јули, па сè до 24 август, додека максимумот речиси секогаш е на 12 август. Оваа година, својот врв го достигна во ноќта помеѓу 12 и 13 август.
View this post on Instagram
Метеорите, кои можат да бидат мали како зрно песок или големи како грашок, навлегуваат во Земјината атмосфера со брзина од 215.000 километри на час. Тие не претставуваат никаква опасност за нас на Земјата.
Овој метеорски дожд се смета за еден од најсаканите астрономски настани, а бидејќи може да се набљудува секоја година, тој е еден од поактивните.
Espectacular; lluvia de meteoros de este máximo pico de actividad de las #Perseidas:
Disfrute en vivo:https://t.co/qD179ue5CB
12 de agosto del 2023 👇 pic.twitter.com/NKBeLYmENN— Jaime Maussan (@jaimemaussan1) August 13, 2023
Оваа година, мрежата „Ол скај фајрбол“ на НАСА, која набљудува метеори користејќи мрежа од камери, го откри првиот Персеид на 26 јули.
Espectacular; lluvia de meteoros de este máximo pico de actividad de las #Perseidas:
Disfrute en vivo:https://t.co/qD179ue5CB
12 de agosto del 2023 👇 pic.twitter.com/NKBeLYmENN— Jaime Maussan (@jaimemaussan1) August 13, 2023