ДОЛГОТ ЗА ВОДА МОЖЕ ДА СЕ ОТПЛАТИ НА РАТИ БЕЗ КАМАТА Од утре почнува аплицирање
Акцијата за аплицирање на одложено плаќање на долгот без камата трае од 15 февруари до 31 март.
Граѓаните од утре до крајот на март ќе можат да ги отплатат долговите за задоцнето плаќање на сметките за вода и смет без пресметана камата, соопшти ЈП Водовод и канализација – Скопје.
Граѓаните кои имаат долг, како што е соопштено, во овој период ќе можат да аплицираат за склучување на договори за отплата најмногу до 48 рати , а правните лица најмногу до 24 рати, во зависност од висината на долгот, без пресметка на камата за задоцнето плаќање.
– Одлуката за спроведување на акцијата за отплата на заостанатите долгови без пресметка на камата не важи за органите на државната и локалната власт и другите државни органи основани согласно Уставот и со закон и институциите кои вршат дејности од јавен интерес – информираат од Водовод и канализација.