ГРЕТА ТУНБЕРГ И 15.000 ДЕМОНСТРАНТИ СЕ СУДРИЈА СО ГЕРМАНСКАТА ПОЛИЦИЈА Повредени 70 полицајци во рудник за јаглен (ВИДЕО)

Околу 70 полицајци се повредени во судирите со илјадници демонстранти за заштита на животната средина кои се спротивставија на проширувањето на рудник за јаглен во западна Германија, соопшти денеска германската полиција.

Околу 15.000 демонстранти, според полицијата, или 35.000 според организаторите, меѓу кои беше и шведската еколошка активистка Грета Тунберг, вчера протестираа против проширувањето на отворениот рудник за јаглен, поради што се урива во градчето Луцерат во Рајнскиот басен меѓу Дизелдорф и Келн.

Тие дојдоа да ги поддржат активистите кои го окупираа тоа место и кои полицијата се обидува да ги евакуира. Според полицијата, против 150 лица се покренати правни постапки.

– Ситуацијата на терен денеска повторно е мирна – соопшти полицијата.

Операцијата за евакуација на активисти од Луцерат е политички чувствителна за владејачката коалиција на социјалдемократот Олаф Шолц, кој владее заедно со еколозите. Активистите ги обвинуваат еколозите дека ги прекршуваат ветувањата.

Владата смета дека е неопходно да се прошири рудникот поради енергетската безбедност на Германија, која мора да го надокнади прекинот на испораката на гас од Русија. Тоа го оспоруваат противниците на борбата против фосилните горива.

The village of #Lüzerath in western Germany has become a magnet for leftists & climate activists for months who have built an autonomous zone to try & stop the expansion of a coal mine. They brought children there & are hurling rocks & firebombs at police. pic.twitter.com/B7ApwP7TTf https://t.co/ybfNl7rUrC

— Andy Ngô 🏳️‍🌈 (@MrAndyNgo) January 11, 2023