Сами си ја создадовме државата, никој не ни ја подари!

Југославија не ја создаде Македонија.

Таа постоеше и пред неа, а веќе постои и долго после неа.

Македонија даде вкупно над 44.000 жртви во Втората светска војна.

24.000 од Република Македонија и повеќе од 20.000 од егејска Македонија и од пиринска Македонија.

Туѓа војска не гинеше за слобода на Македонија.

Наша војска гинеше за ослободување на Србија и на Хрватска.

Наши животи беа положени за Југославија, а не беа положени југословенски животи за Македонија.

Движењето имаше национал-ослободителен карактер, а АСНОМ беше собрание на целокупниот македонски народ и на други народности, од Македонија (имаше делегати од сите делови на Македонија). Но, за жал, делумно и поради југословенски, а целосно заради подоцнежни идеолошки причини, не се постигна целосно ослободување на македонскиот народ и на Македонија.

Четите носеа имиња на загинатите војводи.

Живите војводи и комити беа дел од партизанските чети.

Имавме свој, наш македонски Генералштаб на Народно-ослободителната војска и партизанските одреди на Македонија (ГШ на НОВ и ПОМ).

Македонското движење не беше идеолошко (комунистичко, левичарско, коминтерновско), беше народно и ослободително.

На 29 ноември ние Македонците не учествуваме.

Нереализирањето на македонскиот сон за целосно ослободување на Македонија, подоцна, после превратот во 1945-46 од страна на КПЈ, со живот и слобода го платија илјадници Македонци по затворите во Идризово, Отешево… Меѓу нив и првиот претседател и скоро целиот состав на Президиумот на АСНОМ.

Видете ги документите на АСНОМ (Манифестот, Прогласот, декларациите и решенијата), видете го списокот на делегати, видете го составот на Президиумот на АСНОМ (практично, првата влада на Македонија), видете ги знамињата позади говорницата (и руско, но и британско и американско).

Затоа, доволно време помина за да научиме:

Сами си ја создадовме државата!

Никој не ни ја подари!

Да живее Македонија!

Да живее идејата за слобода на Македонија!

 

(ФБ статус на авторот)