ПОЧИНА ЏЕРИ ЛИ ЛУИС Иконата на рокенролот
Музичарот се смета за еден од основоположниците на рокенролот, а магазинот „Ролинг стоун“ го вклучи меѓу 100 најдобри изведувачи на сите времиња.
Џери Ли Луис, легендата на рокенролот, почина на 87-годишна возраст, потврди неговиот портпарол.
Тој се смета за еден од основоположниците на рокенролот, а магазинот „Ролинг стоун“ го вклучи меѓу 100 најдобри изведувачи на сите времиња.
Тој е еден од првите музичари што го промовираа рокенролот како нов правец во популарната музика во 50-тите години на минатиот век.
Џери Ли Луис беше тешко болен и пред два дена се појави лажна вест за неговата смрт. Тој имаше здравствени проблеми, а иако пред неколку дена се појави лажна вест за неговата смрт, овој пат, за жал е вистина.
Џери Ли Луис самиот себе се нарекувал „The Killer“ (Убиец), а беше еден од последните преживеани од генерацијата револуционерни изведувачи, меѓу кои, Елвис Присли, Чак Бери и Литл Ричард.
Првиот настап го имал со само 14 години, а во средината на 50-тите станал вистинска ѕвезда.
Најголемиот хит на Луис беше „Големите огнени топки“ (Great Balls of Fire), а неговиот живот, исполнет со контроверзи, беше раскажан во истоимениот филм од 1989 година, во која улогата на музичарот ја толкуваше познатиот холивудски актер Денис Квејд.
ФОТО: Твитер