НЕ САКАМ ДА БИДАМ ВО КОАЛИЦИЈА СО ДУИ Заменичката на Данела Арсовска си поднесе оставка

Заменик-градоначалничката на Град Скопје, Бујаре Абази од Алијанса за Албанците, денеска си поднесе оставка од функцијата.

Гадоначалничката Данела Арсовска ја назначи Абази да ѝ биде заменичка непосредно по стапување на функција, како дел од коалициониот договор кој за време на изборите го имаше ВМРО-ДПМНЕ со албанскиот опозициски блок.

Абази вели дека си поднесува оставка бидејќи не сака да биде во коалиција со ДУИ односно тоа е спротивно на вредностите кои ги промовира таа и нејзината партија, пренесува СДК.

– Договорот со Арсовска се прекрши со тоа што таа назначи директори од редовите на ДУИ. Не е морално јас како член на Алијанса за Албанците да бидам дел од раководството на Градот. Ќе продолжам да дејствувам како советничка во Советот на Град Скопје – вели Абази.