АЛБАНСКИ ПОЛИТИЧАР УАПСЕН ЗА ГРАБЕЖ ВО ДОМОТ НА БЕНЗЕМА
Бензема не бил единствена жртва на грабеж и според шпанскиот весник „Ел Периодико“, криминалната група поврзана со Продани е одговорна за најмалку 40 кражби ширум Шпанија.
Високо позициониран албански политичар тесно поврзан со Владата на Албанија е уапсен минатата недела во заедничка акција на локалната полиција и Интерпол под обвинение за вмешаност со серија кражби во Шпанија, меѓу кои и во домот на фудбалерот на Реал Мадрид, Карим Бензема.
Уапсениот Алфред Продани се товари дека бил дел од албанска криминална група, која извршила грабеж во домот на Бензема во Мадрид, за време на дуелот меѓу Реал и Барселона одигран на 27 февруари пред три години.
Бензема не бил единствена жртва на грабеж и според шпанскиот весник „Ел Периодико“, криминалната група поврзана со Продани е одговорна за најмалку 40 кражби ширум Шпанија.
Според медиумите, постојат голем број докази за инволвираноста на групата и Продани и мали се шансите дека станува збор за грешка во истрагата.
Продани, кој девет години извршуваше директорска функција во јавно претпријатие во албанскиот регион Курбин, се очекува тој наскоро да им биде екстрадиран на властите во Шпанија.
🚨 Alfred Prodani, a senior member of the Albanian government, has been arrested for Karim Benzema’s 2019 burglary and is said to have been involved in another 40 home robberies in Spain since 2013. The evidence is believed to be “irrefutable”. 🇦🇱
✍️ MARCA pic.twitter.com/XKsjawQoHT
— Football Tweet ⚽ (@Football__Tweet) May 11, 2022