ОВА Е ОБЈАВА НА ВОЈНА 152 Палестинци повредени за време на молитва во џамија во Ерусалим (ВИДЕО)

Израелските безбедносни сили рано утринава влегоа во комплексот џамија Ал Акса во Ерусалим, каде што илјадници Палестинци се собраа на молитва за време на светиот месец Рамазан, што доведе до судири во кои беа повредени најмалку 152 Палестинци и три полицајци, соопштија палестинските здравствени служби и израелската полиција, пишува Б92.

BREAKING: Palestinian Red Crescent reports 7 people injured in #Jerusalem as Israeli forces storm the Al-Aqsa Mosque Compound using stun grenades & tear gas. Is this a repeat of last Ramadan’s horrifying events? #ISRAEL #PALESTINE pic.twitter.com/5l3om5T0eO

— Arwa Ibrahim (@arwaib) April 15, 2022

– Акциите на израелската полиција, која упадна во џамијата Ал Акса и просторот за молитва на џамијата Ал Кибли се еднакви на објавување војна на Палестинците – рече палестинскиот претседател Набил Абу Рудаине, пишува новинската агенција ВАФА.

Тој додаде дека „неопходна е итна интервенција на меѓународната заедница со намера да се запре агресијата врз џамијата Ал Акса и да се спречат работите да излезат од контрола“.

Претходно вицепремиерот и министер за надворешни работи на Јордан Ајман Сафади побара Израел да ја повлече полицијата од џамијата во Ерусалим.

Имамот Ал Акса, Екрима Сабри, за Ал Џезира изјави дека насилството било иницирано од еврејски жители кои биле поддржани од израелската полиција и армија.

Според агенцијата ВАФА, лекарска помош побарале 153 Арапи повредени за време на конфликтот со израелските сили, додека 30 се хоспитализирани поради повреди од гумени куршуми. Агенцијата додава дека поради конфликтот со израелската војска и полиција приведени се околу 400 луѓе, а повредени се најмалку осум Израелци.