ЏАБЕ ВИ СЕ ПАРИТЕ, ЈАС ОВЦИТЕ НЕ ГИ ДАВАМ Приказната за вредниот Аднан го воодушеви регионот (ВИДЕО)

Приказната за вредното момче Аднан Куралиќ од Тојшиќ, мало село кај Калесија, воодушеви илјадници луѓе.

Имено, 13-годишниот Аднан го троши целиот свој џепарлак за да го прошири стадото овци.

Тој сега има околу 33 овци за кои треба да се грижи на дневна основа, а неговата приказна ги воодушеви гледачите ширум регионот.

– Дедо ми, татко на мајка ми, еднаш ми даде 100 марки и си купив јагне за себе. И така, малку по малку, собрав пет-шест од таа една овца, изјави Аднан за Tatabrada.tv.

– И другиот дедо имаше овци и јас понекогаш ги чував кај него и како награда ми даваше јагниња. Кога дедо ми се разболе, сакаше да ги продаде и ми даде пари да ги продадам неговите и моите. Дојдов дома и плачев и потоа дојдов и им ги фрлив тие пари: Џабе ви се парите, овците не ги давам. Сепак морав да ги продадам, но потоа купив јуница за да го нахранам телето. Повторно собрав пари и ме привлече желбата за овци. Купив три овци и малку по малку се јагнеа така и сега ги има многу – рече тој.

Аднан откри и дека наоѓа време да си поигра и покрај сите обврски, но му пречи што, како што вели, нема со кого да си игра.

– Сите се на тие телефони. Имам и телефон, не велам дека немам, но тие се зависни од тие телефони – низ смеа вели Аднан.

Аднан искрено одговори и на прашањето за училиштето.

– Па, да кажам, не е најдобро, ниту е најлошо – рече Аднан и на крајот ги поздрави сите свои наставници и класниот раководител.

Не престануваат реакциите за приказната на Аднан.

„Најдобрата репортажа на YouTube. Малиот не дека не е допадлив и паметен, туку е пресимпатичен и вистински мал мудрец. Не се сеќавам дека сум гледал нешто посимпатично“, „Драго дете, честитки. Ти си пример за многу постари млади мажи. Блажена е мајката што те родила“, „Секоја чест, Аднан! Слободно, зборливо и многу паметно момче. Господ да ти даде здравје, убав и успешен живот“, се само дел од коментарите.