АСАНЖ ИМАЛ МОЗОЧЕН УДАР ВО ЗАТВОРОТ Свршеницата стравува за неговиот живот

Основачот на Викиликс, Џулијан Асанж, доживеал мозочен удар во затвор на 27 октомври годинава, откри неговата свршеница Стела Морис преку Твитер.

На Асанж му бил дијагностициран транзиторен исхемичен напад по едно негово појавување пред Високиот суд во октомври, пишуваат светските медиуми.

„Тешко е за Џулијан и се плашам дека овој инцидент може да биде претходница на поголем напад. Тоа само ги зголемува нашите стравови дека тој ќе може да ја преживее оваа долга правна битка која сѐ уште трае“, напиша Морис, која има две деца со Асанж.

Мозочниот удар се случил во октомври, месецот во кој Асанж беше испрашуван од Високиот суд преку видео врска од затворот Белмарша.

Морис стравува дека тој удар би можел да биде најава за следен.

„Тоа ги зголемува нашите стравувања дека тој нема да ја преживее оваа долга правна битка. Сè треба да се реши под итно. Погледнете ги животните заробени во кафези во зоолошката градина. Тоа им го скратува животот. Тоа е она што се случува со Џулијан. Континуираните тужби се исклучително стресни психолошки“, додаде таа.

BREAKING: Julian #Assange suffered a stroke on the first day of the High Court appeal hearing on October 27th.

He needs to be freed. Now. #FreeAssange https://t.co/yNg8HGUoAD

— Stella Moris #FreeAssangeNOW (@StellaMoris1) December 11, 2021

Според неа, на Асанж му недостасува свеж воздух, сончева светлина и соодветна исхрана.

Морис вели дека Асанж и на 27 октомври бил премногу болен за да присуствува на рочиштето, но дека судијата не му дозволил да го одложи рочиштето.

„Сигурно беше ужасно да се слушне жалбата на Високиот суд, во која не можете да учествувате, што зборува за вашето ментално здравје и ризик од самоубиство. Беше во навистина ужасна состојба. Неговиот поглед беше неконзистентен, десниот очен капак не сакаше да се затвори, ја губеше меморијата“, изјави Морис.

Асанж потоа бил прегледан од лекар, кој открил потенцијално оштетување на нервите.