СДСМ ЌЕ ЗАСЕДАВА ВЕЧЕРВА Се водат разговори за сите политички сценарија
За вечерва во 18 часот е закажана седница на Извршниот, а во 20 часот на Централниот одбор на СДСМ.
Најавената оставка на премиерот и лидер на Социјалдемократскиот сојуз Зоран Заев, анализа на изборните резултати и последните случувања на политичката сцена по поднесената иницијатива за недоверба на Владата, се очекува да бидат теми на вечерашните состаноци на највисоките тела на владејачкиот СДСМ.
Од партијата потврдуваат дека за вечерва во 18 часот е закажана седница на Извршниот, а во 20 часот на Централниот одбор.
Од СДСМ во изминатите денови информираа дека се водат секојдневни консултации и работни состаноци со партнерите во коалицијата од парламентарното мнозинство, како и во рамки на највисокото партиско раководство.
– СДСМ продолжува да разговара и да иницира соработка со сите прогресивни и демократски сили, со цел да ја обезбедиме стабилната иднина на нашата држава и целиот наш народ – истакнаа од партијата.