ЛЕВИЦА ПОБАРА РЕВИЗИЈА НА РАБОТЕЊЕТО НА ОПШТИНА КАРПОШ Постојат бројни индиции за нерегуларно работење на Богоев

Поради бројни индиции за незаконско работење на општината Карпош, советниците на Левица бараат ревизија на работењето. Се бара  три вида на ревизија: ревизија за регуларност, ревизија за усогласеност и ИТ ревизија.

Советниците на Левица барањето го достави до Државниот завод за ревизија повикувајќи се на Законот за ревизија („Службен весник на Република Македонија“ број 66/10, 145/10, 12/14, 43/14, 154/15, 192/15, 27/16 и 83/18) и ,,Службен весник на Република Македонија“ бр. 122/21).

– Бројните индиции за нерегуларноста во работењето на општината предводена од Стефан Богоев е главната причина за поднесување на ова барање. Оттука очекуваме ДЗР да го прифати барањето и да спроведе итна ревизија – изјави Мартин Димоски,советник во Општина Карпош.

Тој информира дека последната ревизија во Општина Карпош од страна на Државниот завод за ревизија е спроведена во 2017 година.

Со ова барање, се иницира спроведување на три вида на ревизија: ревизија за регуларност, ревизија за усогласеност и ИТ ревизија.