12.006 македонски граѓани примиле прва доза вакцина во Врање

Во Врање, од почетокот на вакцинацијата досега, со прва доза вакцинирани се 12.006 македонски граѓани, додека со втора доза вакцинирани се 9.392 наши државјани, јави дописникот на МИА од Белград.

Како што денеска соопшти Здравствениот центар во овој град, до 23 јули годинава вкупниот број на дадени прва и втора доза на сите достапни вакцини во Спортската сала во Врање на граѓаните од сите држави изнесува 76.899. Од нив, бројот на вакцинирани граѓани на Северна Македонија со првата доза е 12.006, додека бројот на вакцинирани граѓани на БИХ е 6 лица.

Бројот на граѓани на Северна Македонија кои се вакцинирале со втората доза изнесува 9.392, а на 7 државјани на БИХ.

Бројот на вакцинирани граѓани на Србија со првата доза е 27.986, додека со втора доза се вакцинирани 27.385 српски државјани.

Ако се земат предвид сите овие бројки, во Врање најчесто е аплицирана кинеската вакцина Синофарм – вкупно 49.058 пати.

Потоа следува „Фајзер“, која е дадена во вкупно 20.653 случаи.

Руската „Спутник V“ е дадена во 6.256 дози.

„АстраЗенека“ е аплицирана е во 932 случаи.

Во петокот вакцинирани се 54 македонски државјани со првата доза и 55 лица со втората доза на вакцините на „Синофарм“ и на „Фајзер“. Тоа е повеќе во однос на граѓаните на Србија, кои примиле по 36 од првата или втора доза на вакцината.

Според планот на Здравствениот центар во Врање, во сабота кинеската вакцина (втора доза) треба да ја примат 63 граѓани, а со втората доза на „Фајзер“ ќе се ревакцинираат 129 лица. Во недела се планирани 31 втора доза на „Фајзер“ и 71 на кинеската вакцина „Синофарм“.