Ефикасноста на Спутник V е поголема од 96 отсто, уверува рускиот министер за здравство

Ефикасноста на руската вакцина против коронавирус „Спутник V“ изнесува повеќе од 96 отсто, соопшти денеска рускиот министер за здравство, Михаил Мурашко.

Тој на Меѓународниот економски форум во Санкт Петерсбург потсети дека Спутник V досега е регистриран во 66 земји, во кои вкупниот број на жители надминува 3,2 милијарди, пренесува ТАСС.

Меѓународниот економски форум во Санкт Петерсбург, организиран од фондацијата Росконгрес, трае од 2 до 5 јуни. Тема на форумот е „Заедно повторно. Економијата на новата реалност”.