ЕУ разгледува одобрување на лек за кој се тврди дека ја намалува смртноста од ковид-19 за 87%
Лекот содржи бамланивимаб и етезевимаб, моноклонални антитела кои ги имитираат природните антитела што телото ги произведува за борба против инфекцијата.
Европската агенција за лекови (ЕМА) објави дека започнала постепена проценка на документацијата за лекот против ковид-19 од американската фармацевтска компанија „Eli Lilly“, коктел со антитела, откако претходно ја одобри неговата употреба кај пациенти со висок ризик за сериозна форма на болеста.
Американската компанија тврди дека нивниот коктел со антитела го намалува бројот на смртни случаи за 87 проценти.
Лекот содржи бамланивимаб и етезевимаб, моноклонални антитела кои ги имитираат природните антитела што телото ги произведува за борба против инфекцијата.
Тој е нов во низата лекови базирани на антитела што се разгледуваат во Европа, по „Celltrion“ (Јужна Кореја) и „Regeneron“ (САД).
Постепеното оценување на документацијата има за цел да го забрза процесот на одобрување на лекот, дозволувајќи им на научниците да ги доставуваат резултатите од клиничките испитувања додека пристигнат пред да бидат завршени.
„Vir Biotechnology“ и британската „GSK“ во четвртокот објавија дека наскоро планираат и да побараат одобрување за нивната експериментална терапија со антитела.
Европската агенција за лекови досега одобри вакцини произведени од „Pfizer/BioNTech“, „Moderna“ и „AstraZeneca/Oxford“. Одлука за вакцината изработена од „Johnson & Johnson“ се очекува во текот на денешниот ден.