Кумановецот Влад Илиќ растура со своите стенд-ап комедии во Лондон (ВИДЕО)

Младиот Кумановец, Владислав или Влад Илиќ во 2018 година се пресели во Лондон да работи во полето на стенд-ап комедија.

Со стенд-ап комедијата се запознава на Малта каде што и го започнал интересот кон овој тип на комедија, а пред тоа работел како актер – аматер во драмските кругови во Куманово. Патувањето за да стане професионален комичар во Лондон започнува во Јануари 2018 година, а веќе во декември 2019 година, Владислав е забележан од поголеми клубски промотери, ТВ продуценти и талент агенции, објави Дневни новости.

Еден од неговите стенд-ап настапи беше објавен и на „BBC Three“, како и на нивната Фејсбук страница.

– Здраво на сите! Моето име е имигранат!

Да, јас сум малку странец, како што може да се забележи од мојот акцент, јас сум од Манчестер.

Не, јас сум од Северна Македонија на Балканот, тоа е земја која е северно од Грција, па тоа е во името, Северна. Да не се збуните со регионот Македонија во Грција. Ние имавме конфликт за името, па вака се случи. Се сретнавме на границата и ние рековме „Ние сме Македонија“, по што Грците рекоа, „Не, ние сме Македонија“ и тогаш двете страни се разделивме невработени – вели Илиќ на почетокот.

Тој досега има освоено повеќе важни награди во комичарскиот круг на клубови во Лондон како што се: победник на месечното шоу во светски познатиот клуб „Комеди Стор“ каде што публиката може да го избрка од сцена артистот доколку не им се допаѓа неговиот хумор и е добитник на наградата „Комичар на годината“ во Пикадили Комеди Клуб, награда за која се избори помеѓу седумстотини учесници.

Погледнете неколку дополнителни видеа од настапите на Влад Илиќ.