СДСМ за најновата „бомба“: Заев и СДСМ се бореа за Закон за ЈО, Мицкоски и ВМРО-ДПМНЕ се бореа за спас на Камчев и Груевски
Како што наближува изборниот ден и поразот на ВМРО-ДПМНЕ И Христијан Мицкоски, растат паниката и стравот во белиот дворец. Денешните објавени аудио разговори само потврдуваат дека СДСМ и претседателот Зоран Заев постојано барале начини, решенија и правни механизми за целосна реформа на правосудството, со посочување на опасноста од недонесување на Законот за јавно обвинителство - соопштија од Центарот за комуникации на СДСМ по објавените аудио разговори.
Вистината се потврдува, СДСМ и Заев се бореа за Закон за ЈО и продолжување на предметите на СЈО, Мицкоски и ВМРО-ДПМНЕ се бореа за спас на Камчев и Груевски. Како што наближува изборниот ден и поразот на ВМРО-ДПМНЕ И Христијан Мицкоски, растат паниката и стравот во белиот дворец.
Денешните објавени аудио разговори само потврдуваат дека СДСМ и претседателот Зоран Заев постојано барале начини, решенија и правни механизми за целосна реформа на правосудството, со посочување на опасноста од недонесување на Законот за јавно обвинителство – соопштија од Центар за комуникации на СДСМ по објавените аудио разговори на социјалните мрежи и од дел од медиумите во кои се се спомнуваат позадински комбинации, шеми и “филмови” за паѓање на судски случаи, а во кои Зоран Заев разговара со непознат соговорник..
– СДСМ, претседателот Заев постојано се бореа за обезбедување на двотретитинско мнозинство Собранието со што денес, предметите на Специјалното јавно обвинителство продолжуваат иако тоа веќе не постои.
Можеби ќе ве интересира
Јасна е разликата. ВМРО-ДПМНЕ и Христијан Мицкоски се бореа за да паднат предмети, да падне предметот „Талир“, за да се сокрие нелегалното финансирање на ВМРО-ДПМНЕ, да падне предметот „Империја“ за да се спаси тајкунот на ВМРО-ДПМНЕ, Орце Камчев, за да се спасат други криминалци на чело со Груевски.
Јасно им е и нив на чело со Мицкоски дека криминалот нема да го одбранат, нема да се спасат од одговорност. По 15 јули реформите во правосудството градат силна правна држава во која никој нема да се спаси од одговорност – соопштија од СДСМ.