УШТЕ ЕДЕН ГАФ Владата објави фотографија од „сестрата на Трамп од Лесковац“

Меѓу фотографиите и видеата од денешната прес-конференција на претседателката на Инспекцискиот совет, Магдалена Филиповска-Грашковска, кои Владата преку соопштение им ги испрати на медиумите, се најде и фотографија од „сестрата на Доналд Трамп од Лесковац“.

Од Владата веднаш го корегираа соопштението, односно испратија ново без таа фотографија, но сепак, тој гаф не остана незабележан од портпаролот на ВМРО-ДПМНЕ, Димче Арсовски, кој побара од одговорните веднаш да се извинат.

„После грешење знамиња, иде официјално спрдачење од страна на Влада на СДСМ со Претседател на САД. Бруки невидени!!! Веднаш да се извините!!!“, напиша Арсовски на Фејсбук.