ВМРО-ДПМНЕ: Шилегов од Маврово распиша оглас за вработување партиски војници во ЈСП

Владата го затвори Скопје, а Шилегов ужива во Маврово и распишува нов оглас за партиски вработувања во ЈСП. Додека скопјани се во карантин, Шилегов од Маврово распиша уште еден оглас за партиски вработувања, овој пат во ЈСП. Овој оглас е трет во низата, по тие во „Дрисла“ и „Комунална хигиена“ кои се во вкупна вредност од над 300 илјади евра, реагира советничка група на ВМРО-ДПМНЕ на Град Скопје.

Тие велат дека за најновиот оглас за партиски вработувања во ЈСП не е наведена предвидената сума, и се третира како службена тајна.

„Криењето на износот на пари кои Шилегов ќе ги потроши партиски да вработува значи дека недомаќински и расипнички се трошат парите на скопјани за партиски цели пред изборите. Додека Шилегов за време на карантинот одмара во својот „скромен“ дом од неколку стотина метри квадратни за кои јавноста единствено што знае е тоа како не го заработил, односно по негово признание тоа не е со платата, зошто Шилегов не работел за плата, продолжи недомаќински да се однесува со парите на скопјани кои ги троши за партиски вработувања. Шилегов е должен да објасни поради кои причини сега ги распишува огласите, зошто се крие сумата за вработувањата во ЈСП и зошто тоа го прави пред избори“, се наведува во соопштението.

Советничка група на ВМРО-ДПМНЕ на Град Скопје обвини дека Шилегов наместо метропола, Скопје го  претвора во партиски штаб за вработување на партиски војници.