„Бутел“ ги намали цените за погребалните услуги за починатите од ковид-19
Министерот за здравство Венко Филипче на онлајн прес конференцијата јавно му се заблагодари на директорот на „Бутел“ за намалувањето на цената на погребалните услуги за починатите од ковид-19.
Можеби ќе ве интересира
– Му се заблагодарувам на Јавното претпријатие „Бутел“ што излезе во пресрет за намалување на цените на погребните услуги. Вчера имавме разговор со директорот и тие денес излегоа со соопштение – рече Филипче.
Во јавноста имаше негодување од семејства на починати од ковид-19 за висината на цените за погребалната опрема. Семејствата освен дрвен ковчег беа изложени на трошоци за купување на лимен ковчег и на пластична кеса.