Успеале да го изолираат вирусот ковид-19 на Клиниката „Д-р Фран Михаљевиќ“ во Загреб

На Клиниката за инфективни болести во Загреб „Д-р Фран Михаљевиќ“ го изолирале вирусот ковид-19,  односно се одгледувал во лабораториски услови,  потврди директорката на таа установа,  д-р Алемка Маркотиќ, за порталот ХРТ.

– Нашата колешка д-р Жељка Мачак Шафранко, доктор на науки, со сиот мој тим, сега предводен од д-р Иван Кристијан Куролт, го изолира вирусот. Тоа е голема работа за секоја лабораторија за вирусологија – вели таа.

Важно е, продолжува таа, да има вируси од сите делови на светот.

– Вирусот го испративме во Германија кај нашиот соработник, со кого имаме меѓународен проект за истражување на вакцините. Тие, исто така, ќе посветат дел од своето истражување на молекуларна анализа на вирусот, но ќе го користат, заедно со некои други вируси од Германија, Австрија и САД, за да истражат лекови и вакцини – објаснува таа.

И во Клиниката „Д-р Фран Михалевиќ“, исто така, ќе можат да ги прошири своите истражувања и да ги анализираат имунолошките механизми коишто се појавуваат на вирусот – вели Маркотиќ.

Благодарение на најнапредната лабораторија и тим, пред неколку дена, тие исто така добиле понуда од американска компанија за биотехника да учествуваат во врвни истражувања за биотерапија врз основа на клетки.

– Тој модерен пристап можеби би можел да се примени и за лекување на ковид-19 – додава директорката.