2030 ГОДИНА НЕМА ДА БИДЕ КРАЈ НА СВЕТОТ Шефот на Нвидиа тврди дека луѓето непотребно се заплашуваат со вештачката интелигенција

Извршниот директор на Nvidia, Јенсен Хуанг, е убеден дека бизнисот што му носи милијарди на неговата компанија не е егзистенцијална закана за човештвото.
Тој ги нарече многуте предупредувања за опасностите од вештачката интелигенција „наративи за судниот ден“.

Во интервју за CBS News, тој рече дека 2030 година нема да биде крај на светот и дека плашењето на луѓето е непотребно и неодговорно.

Изјавата на Хуанг доаѓаат откако дебатата за можните ризици од вештачката интелигенција се интензивираше во последните недели.

Поранешниот истражувач на Anthropic, Џејкоб Коксон, тврдеше на социјалните медиуми дека тимовите што развиваат вештачка интелигенција веруваат дека компјутерите би можеле да нè убијат пред крајот на деценијата.

Тврдењата на Коксон предизвикаа дебата за безбедноста на вештачката интелигенција, вклучувајќи ги и повиците од некои лидери во индустријата за забавување на развојот на нови модели, вклучувајќи го извршниот директор на Anthropic, Дарио Амодеј, и шефот на OpenAI, Сем Алтман.

Хуанг ги опиша ваквите предвидувања како тврдења што „не се научно засновани“ и додаде дека е во интерес на Nvidia да обезбеди одговорна конструкција и примена на производи од вештачка интелигенција.

– Успехот на нашата компанија е директно поврзан со безбедната примена на производите и услугите – рече Хуанг.

Тој верува дека вредноста на компанијата би се намалила ако ова не продолжи.

Nvidia директно заработува од хардверот потребен за изградба на центри за податоци, што значи дека ако побарувачката падне поради зголемена претпазливост, и нивната заработка ќе падне.

Шефот на Nvidia, исто така, посочи дека компаниите што зборуваат за забавување на развојот на вештачката интелигенција би можеле да бараат заштита од одговорност за штетата што нивните производи можат да ја предизвикаат.

Тој повика на читање „меѓу редовите“, тврдејќи дека овие компании всушност не бараат донесување нови закони, туку ослободување од постојните законски обврски. Според него, ова е проблем.

Неговите ставови, ги делат и некои поранешни вработени во компании како OpenAI, Meta и DeepMind.

Во разговорите и размените на пораки, тие рекоа дека се „скептични кон идејата дека неконтролираниот развој на вештачката интелигенција ќе доведе до алатки способни за масовно убивање луѓе“.

Nvidia игра важна улога во индустријата за вештачка интелигенција бидејќи развива напредни компјутерски чипови клучни за градење модели на вештачка интелигенција, кои се предмет на ограничувања поради мерките наметнати од Вашингтон и Пекинг.

Контролите на извозот на САД имаат за цел да го забават напредокот на војската и вештачката интелигенција на Кина, додека кинеските регулативи го поттикнуваат потпирањето на технологија произведена во самата Кина.

Министерот за финансии на САД, Скот Бесент, и кинескиот вицепремиер Хе Лифенг, зборуваа во Њујорк во неделата и ги опфатија темите за вештачката интелигенција, царините и критичните минерали, а Бесент им кажа на новинарите дека тие исто така се осврнаа на воспоставувањето нов механизам за известување за безбедноста на вештачката интелигенција.

Хуанг присуствуваше на самит во Обединетото Кралство, организиран од кралот Чарлс минатата недела, за да ги предупреди технолошките лидери за „егзистенцијалните опасности“ од вештачката интелигенција и да им каже дека нивната работа е да обезбедат технологијата да остане во служба на човештвото, општеството и природниот свет.