🎥 ЗА ШТО СЕ КОЛНЕШЕ ЏАФЕРИ ВО 2020 ГОДИНА? И поранешниот спикер не го спомна „тоа на С“ на заклетвата, па никому ништо!

Иако беа поминати две години од потпишувањето на Преспанскиот договор и промената на името на државата, поранешниот собраниски спикер Талат Џафери, при неговото назначување за претседател на Собранието во 2020 година, положи заклетва без да го спомне „тоа на С“, туку се заколна дека ќе ги почитува „Уставот и законите на Република Македонија“.

Нешто слично вчера направи и претседателката Гордана Сиљановска Давкова на инаугурацијата во претседателската вила на Водно, но ваквиот нејзин потег предизвика лавина реакции од опозицијата, односно од довчерашната власт.

Шефот на пратеничката група на ДУИ Арбер Адеми рече дека претседателката, Гордана Сиљановска Давкова, го прекршила Уставот при положувањето на нејзината заклетва со тоа што не ја спомена Северна Македонија.

– Сиљановска го згази Уставот уште на прва реченица неспоменувајќи Република, ниту Република Северна Македонија, со сите импликации кои ги има тоа – изјави Адеми, кој очекувал новата претседателка да се осврне во обраќањето на евроинтеграцискиот процес на земјата и нејзините предизвици, членството во НАТО, меѓуетничките односи, договорите со Грција и Бугарија.

Во продолжение, слушнете мал дел од заклетвата на Талат Џафери во 2020 година:

Одличен ден да се потсетиме на заклетвата што ја даде г. Талат Џафери и тогашниот собраниски состав во 2020 г. pic.twitter.com/dQxT073NTp

— Миталик (@DiMithril) May 12, 2024