ВО РУСКИОТ НАПАД ВРЗ КИЕВ НАСТРАДА МАКЕДОНСКАТА АМБАСАДА Нема повредени дипломати
Министерството за надворешни работи и надворешна трговија информира дека при рускиот напад врз Киев, причинета ѝ е сериозна материјална штета на Амбасадата на Република Северна Македонија во Киев.
Министерството за надворешни работи и надворешна трговија најостро ги осудува денешните ракетни напади на руската армија врз Киев.
Воедно, Министерството денеска информира дека при нападот е погодена и критичната инфраструктура во Голосеевскиот реон, вклучително и зградата каде што се сместени 6 амбасади, меѓу кои и Амбасадата на Република Северна Македонија во Киев.
Можеби ќе ве интересира
„При нападот нема повредени меѓу дипломатскиот персонал, но ѝ е причинета материјална штета на Амбасадата. Од страна на надлежните служби е извршен првичен преглед на штетите на местото на настанот и веќе се работи на нивно санирање“, соопшти Министерството за надворешни работи и надворешна трговија.
📽📷 ГОРИ КИЕВ Русија изврши жестока серија напади врз главниот град на Украина