ВОЈНАТА МОЖЕ ДА ЗАВРШИ И ДО КРАЈОТ НА ДЕНОТ Песков вели дека одлуката е во рацете на Зеленски
Украинската страна може да запре сè пред крајот на денешниот ден. Потребна е наредба до националистичките единици да го положат оружјето, наредба до украинската армија да го остави оружјето и треба да ги исполнат условите на Руската Федерација. Сè може да се заврши пред крајот на денот, рече Песков.
Војната во Украина би можела да заврши до крајот на овој ден доколку украинските власти тоа го сакаат, вели портпаролот на Кремљ, Дмитриј Песков. Неговата изјава доаѓа како одговор на изјавата на Володимир Зеленски дека неопходно е војната да заврши пред да дојде зимата, јавува РИА.
– Украинската страна може да запре сè пред крајот на денешниот ден. Потребна е наредба до националистичките единици да го положат оружјето, наредба до украинската армија да го остави оружјето и треба да ги исполнат условите на Руската Федерација. Сè може да се заврши пред крајот на денот – рече Песков.
Тој додаде дека руската страна се води од изјавите на Владимир Путин и дека „специјалната воена операција се одвива според планот и ги постигнува своите цели“. Песков појасни дека не постојат приближни датуми за завршување на воената операција.