УКРАИНА БЕСНА ПОРАДИ НОВАТА МАПА НА СВЕТОТ Обединетите нации усвоија нова карта на светот на која Крим е визуелно одвоен од Украина
На картата, која се заснова на проекцијата „Equal Earth“ (Еднаква Земја) и која беше прифатена на 4 септември, анектираниот полуостров е обоен во сива боја, за разлика од останатиот дел од украинската територија кој е зелен. Крим не е прикажан ниту како дел од Русија.
Обединетите нации усвоија нова официјална карта на светот на која Крим е визуелно одвоен од Украина, поради што Киев упати протестна нота. На картата, која се заснова на проекцијата „Equal Earth“ (Еднаква Земја) и која беше прифатена на 4 септември, анектираниот полуостров е обоен во сива боја, за разлика од останатиот дел од украинската територија кој е зелен. Иако Крим не е прикажан ниту како дел од Русија, која го анектираше во 2014 година, Украина смета дека ваквиот приказ е спорен.
Украина беше една од седумте држави кои не ја поддржаа новата карта при гласањето. Освен Украина, при гласањето воздржани беа уште пет земји: Естонија, Грузија, Литванија, Молдавија и Србија. Единствената држава која гласаше против беа Соединетите Американски Држави.
Резолуција „Да ја исправиме картата“
Резолуцијата под наслов „Да ја исправиме картата“ беше предложена од Того со поддршка на Африканската унија, а ја прифатија 164 држави. Нејзината цел е ОН да престане да ја користи традиционалната Меркаторова проекција, која значително го зголемува приказот на земјите на северната хемисфера.
Новата проекција „Equal Earth“ е осмислена за пореално да ги прикаже вистинските соодноси на големините на државите, особено на Африка во однос на Европа и Северна Америка.
Ставовите на другите држави
Делегацијата на Европската унија при ОН ја поддржа резолуцијата, но во официјалното образложение наведе: „Нагласуваме дека оваа резолуција не се занимава со прашањата на суверенитетот, територијалниот статус, разграничувањето или меѓународно признатите граници на државите, ниту пак влијае врз нив“.
Во изјавата се додава и дека резолуцијата „не подразбира признавање, поддршка или прифаќање на какви било барања поврзани со спорните територии, промени на постојните граници или измени на правниот статус на која било територија“.
Американскиот претставник објасни дека САД не гласале против поради прашањето за границите. Тој ги обвини авторите на картата дека таа е дел од „радикален идеолошки проект“ кој се обидува да промовира репарации.