ШУМСКИ ПОЖАР ИЗБУВНА ВО АТАРОТ НА СТРУМИЧКО БАЈКОВО Загрозена е црквата „Св. Петар и Павле“
Во секој момент се очекува да полетаат два ер-трактори на ДЗС, кои ќе им се приклучат на струмичките пожарникари и на доброволците од ДПД „Рис“ во гаснењето на огнената стихија – вели Стојанче Ангелов од ДЗС.
Шумски пожар попладнево избувна во атарот на селото Бајково, во општина Ново Село, на падините на планината Огражден, при што постои опасност огнот да се прошири кон црквата „Св. Петар и Павле“, пренесе МИА.
Можеби ќе ве интересира
Директорот на Дирекцијата за заштита и спасување, Стојанче Ангелов, информира дека поради ризикот од ширење на пожарот, во секој момент се очекува да полетаат два ер-трактори на ДЗС, кои ќе им се приклучат на струмичките пожарникари и на доброволците од ДПД „Рис“ во гаснењето на огнената стихија.
Во акцијата за локализирање на пожарот активно учествува и локалното население, кое помага во заштитата на црквата „Св. Петар и Павле“.