📽️ „САКАМ ПОКАНА ЗА СВАДБА!“ Запросување на Вимблдон, а Ѓоковиќ испрати урнебесна порака
Романтично запросување на трибините го привлече вниманието на публиката и на Новак Ѓоковиќ, кој со духовита порака им честиташе на идните младенци за време на мечот на Вимблдон.
Романтичен момент го одбележа натпреварот на Новак Ѓоковиќ против Кинезот Ву во првото коло на Вимблдон, кога еден навивач ја запроси својата девојка среде мечот. Запросувањето не остана незабележано ниту од српскиот тенисер, кој со духовита порака ги воодушеви присутните.
Додека мечот се играше на еден од терените на Вимблдон, на трибините едно момче клекна на колено и ја побара својата девојка за сопруга. Таа без двоумење ја прифати понудата, а романтичниот чин беше поздравен со силен аплауз од публиката.
The marriage proposal with Novak’s approval 🫶 😅❤️ pic.twitter.com/nVcsYEPdaN
— ᖴᖇᗩᑎI ® (@frani2312) June 29, 2026
Настанот го забележа и Новак Ѓоковиќ, кој накратко го прекина натпреварот за да им честита на идните младенци.
– Сакам покана за свадба – им порача Ѓоковиќ со насмевка, предизвикувајќи смеа и аплауз од трибините.
“I want an invitation for the wedding.” 💌@DjokerNole congratulates the newly engaged couple on Centre Court and wants to attend their wedding 😅💍 pic.twitter.com/loOGjvKAkM
— Wimbledon (@Wimbledon) June 29, 2026
Младата двојка со гестикулација му одговори дека поканата сигурно ќе стигне и до него.
Романтичниот момент дополнително ја разубави вечерта за српскиот тенисер, кој по повеќе од три часа игра успеа да го совлада својот противник Ву и да ја запише 103 победа во кариерата на Вимблдон, продолжувајќи ја трката по нова гренд слем титула.